პრეზერვატივი, ანუ კონდომი, ფართოდ გავრცელებული კონტრაცეპტივია. ის არა მხოლოდ ორსულობას აფერხებს, არამედ სქესობრივი გზით გადამდები დაავადებებისგანაც იცავს.
მეცნიერულად დადასტურებულია, რომ პრეზერვატივს ჯერ კიდევ ძველ ეგვიპტეში იყენებდნენ. ქაიროს მუზეუმში ინახება ტყავის პატარა ტომსიკები — პირველი პრეზერვატივები, რომლებიც ფარაონ ტუტანხამონს ეკუთვნოდა.
ძველად პრეზერვატივებს სელის, ცხოველების ნაწლავებისა და ტყავისგან (მრავალჯერადი გამოყენებისთვის) ამზადებდნენ. რეზინის გამოგონებამ მისი წარმოება მასშტაბური გახადა. დღეს მას ლატექსის, პოლიურეთანისა და ვინილისგან აწარმოებენ.
XV საუკუნეში, როცა კოლუმბის ეკიპაჟმა სიფილისი „ჩამოიტანა“ ჰაიტიდან, პრეზერვატივის როლი დაავადებების პრევენციაში გაიზარდა.
ყველაზე გავრცელებულია ლატექსის პრეზერვატივი, თუმცა ის ალერგიულ ადამიანებს არ უხდებათ, რადგან ლატექსი ძლიერი ალერგენია. ამ შემთხვევაში ალტერნატივა პოლიურეთანის პრეზერვატივია. ხშირად პრეზერვატივს სპერმიციდული საცხი აქვს, რომელიც სპერმატოზოიდებს კლავს ან მათ მოძრაობას უშლის, რაც ორსულობის რისკს ამცირებს. თუმცა, ამ დროს მაზების ან კრემების გამოყენება აკრძალულია, რადგან შეიძლება საცხი გააფუჭოს.
ბევრი ფიქრობს, რომ პრეზერვატივს ზომა არ აქვს, მაგრამ სწორი ზომის შერჩევა მნიშვნელოვანია. ის სხვადასხვა ფერის, ფორმის, სურნელისა და ზედაპირის (გლუვი ან ხაოიანი) იყო. ხარისხიან მარკებად ითვლება Contex, Durex, Sico, Lifestyle და Visit.
არსებობს „კონდომეტრიკი“ — ესპანური გამოგონება ნატურალური ლატექსისგან. ის ორსულობას აფერხებს და პენისის ზომასაც ზომავს (სიგრძე 25 სმ, დიამეტრი 37 მმ, მოცულობა 6.05 მმ).
1990 წელს შეიქმნა ქალის პრეზერვატივი პოლიურეთანისგან. ეს არის გრძელი, ცალ მხარეს დახურული მილი, ორივე ბოლოში რგოლებით. პატარა რგოლი საშოში თავსდება, დიდი — გარეთ რჩება. ის 10 საათამდე შეიძლება დარჩეს საშოში, განსხვავებით მამაკაცის პრეზერვატივისგან.
პრეზერვატივის საიმედოობა კონტრაცეფციისთვის 92%-ია. მისი ნაკლი შეიძლება იყოს მგრძნობელობის შემცირება, რის გამოც თხელი მასალის პრეზერვატივი გამოიყენება, თუმცა ის ადვილად იშლება.