შეტყობინებები

მოვუწოდებთ ყველა ზრდასრულ ადამიანს სერიოზულად შეაფასოს საკუთარი პასუხისმგებლობა და კატეგორიულად მოერიდოს მიმოწერას არასრულწლოვანთან (18 წლამდე). თუ მაინც მიიღეთ შეტყობინება, რომელიც ეჭვს იწვევს ასაკთან დაკავშირებით - დაუყოვნებლივ შეწყვიტეთ ყოველგვარი კომუნიკაცია, დაარეპორტეთ ანგარიში და დაბლოკეთ იგი. პირველივე ეჭვზე უმჯობესია იმოქმედოთ - უსაფრთხოება უფრო მნიშვნელოვანია, ვიდრე „შეცდომის დაშვება“.

არასრულწლოვნები ჯერ კიდევ ყალიბდებიან - ბევრ სიტუაციას ვერ აფასებენ სრულად, მათი გადაწყვეტილებები ხშირად იმპულსურია. ბევრი ზრდასრული არ ფიქრობს იმაზე, რომ 16-17 წლის ადამიანსაც შეუძლია ძალიან დამაჯერებლად, „ზრდასრულად“ წეროს, თავი უფროსად წარმოაჩინოს და საუბარი ისე წაიყვანოს, რომ ეჭვი არ შეგეპაროს. მაგრამ ეკრანის მიღმა მაინც ბავშვია, რომლის გონებას ეროტიკულმა ტექსტებმა, მოწოდებებმა, სოციალურმა ზეწოლამ ან „სიყვარულის“ ილუზიამ შეიძლება სერიოზული ზიანი მიაყენოს.

ნებისმიერი სექსუალური ან ეროტიკული მიმოწერა ზრდასრულსა და არასრულწლოვანს შორის შეიძლება გადაიზარდოს ფსიქოლოგიურ ტრავმაში, გრძელვადიან ემოციურ ზიანში, თვითდესტრუქციულ ქცევაში ან სისხლის სამართლის დანაშაულში (საქართველოს კანონმდებლობითაც კი ეს მძიმე მუხლია).

ზრდასრულის პირველადი მოვალეობაა უსაფრთხოების, ნდობისა და საზღვრების დაცვა. არ უნდა შეიქმნას სიტუაცია, სადაც არასრულწლოვანი ვერ გაარჩევს კარგს ცუდისგან, გრძნობს ზეწოლას, დამოკიდებულებას ან საფრთხეს. ეს არა მხოლოდ საიტის წესების, არამედ ეთიკის, კანონის, პასუხისმგებლობისა და ადამიანური ღირსების საკითხია.

გახსოვდეთ: „არ ვიცოდი, რომ არასრულწლოვანი იყო“ - არ არის დამცავი არგუმენტი სამართალდამცავ ორგანოებთან. თუ ეჭვი გაგიჩნდათ - უმჯობესია შეწყვიტოთ და დაარეპორტოთ, ვიდრე რისკზე წახვიდეთ.