თევზები - ვერძი

ერთი შეხედვით ვერძსა და თევზს არაფერი აქვთ საერთო. ვერძი თავდაჯერებული, დამოუკიდებელი და მებრძოლია. თევზები მგრძნობიარენი, რბილები და შედარებით არაპრაქტიკულები არიან. თუმცა სწორედ მათი განსხვავებების გამო ისინი თითქმის იდეალურად ეწყობიან ერთმანეთს. ეს ორი ერთმანეთთან ურთიერთობის დროს საუკეთესოს ამჟღავნებს და ცუდს, პირიქით, მალავს. თევზებს შეუძლიათ ვერძების იმპულსურობის შეჩერება, ხოლო ვერძები ახერხებენ მორცხვი თევზების „ნაჭუჭიდან“ გამოყვანას. ასე რომ, ამ ორ ერთი შეხედვით განსხვავებულ ზოდიაქოს ნიშანს საკმაოდ ბევრი რამ აქვთ საერთო.

თევზისა და ვერძის პიროვნული განსხვავებები კარგად ავსებენ ერთმანეთს. ვერძის თავდაჯერებული და სიცოცხლით სავსე ბუნება, რომელსაც უყვარს ინიციატივის თავის თავზე აღება კარგად შეეწყობა თევზებს, რომლებიც არ არიან წინააღმდეგნი ლიდერის შემცვლელის როლში იყვნენ. ორივეს გააჩნია ინტელექტუალური სტიმულაციის აუცილებლობა, ამიტომ მათი ურთიერთობა ორი შესანიშნავი გონების შეხვედრა იქნება, ისინი არასოდეს მოიწყენენ ერთად. ამასთან ერთად, ვერძს გააჩნია საკმარისი დრაივი პროექტების წამოსაწყებად, ხოლო თევზებს საკმარისი მოთმინება რათა ეს პროექტები ბოლომდე მიიყვანონ. ეს ორი საოცნებო გუნდს ქმნის!

განსხვავებული ტემპერამენტები საძინებელშიაც კარგად ავსებს ერთმანეთს. თუმცა გარკვეული განსხვავებულები წარმოქმნის პრობლემებსა და კომფლიქტურ სიტუაციებს. ვერძს კომფლიქტებზე/ჩხუბზე პრობლემა არ აქვს, როდესაც თევზებს ეჯავრებათ ყოველგვარი კონფლიქტი და მაქსიმალურად ცდილობენ თავი აარიდონ მათ.

თევზებისა და ვერძის წარმატებული ურთიერთობების შესანარჩუნებლად, საჭიროა ამ წყვილმა ერთმანეთთან ურთიერთობა ისწავლოს. ვერძმა ყურადღება უნდა მიაქციოს თავის ბასრ ენასა და ხმამაღალ ტონს, კამათის დროს, ვინაიდან თევზები მგრძნობიარეები არიან და უხეში სიტყვები შეიძლება ზედმეტად ახლოს მიიტანონ გულთან. თუ თევზები მიხვდებიან, რომ გარკვეული უთანხმოებები ნორმალურია ურთიერთობებში და უფრო მარტივად შეხედავენ ამას, მაშინ ამ ორი ნიშნის ურთიერთობას ჰოროსკოპის მიხედვით წარმატებული მომავალი ელოდება.