თევზები - კურო

კურო და თევზები, ეს არის მგრძნობიარე და რომანტიკული წყვილი. ისინი მყისიერად ახლოვდებიან მათი მსგავსი ცხოვრებისეული შეხედულებებით, მათი საერთო კრეატიულობის, გემოვნების და დრამისადმი ორმხრივი ზიზღის გამო.

ერთ-ერთი მიზეზი იმის თუ რატომ უგებს ეს წყვილი ერთმანეთს არის ის, რომ ისინი ავსებენ ერთმანეთს და აკომპენსირებენ იმას, რაც აკლია მეორეს. სტაბილური და მყარი კურო მიწაზე აკავებს ღრუბლებში მფრენ თევზებს და არ აძლევს მათ ფანტაზიებს ძალიან შორს წასვლის უფლებას.  კურო ხშირად ხალისიანია და შეუძლია თევზების მელანქოლიიდან გამოყვანა ხუმრობით ან გამამხნევებელი სიტყვით. იმავდროულად, თევზებს შეუძლიათ თავიანთი ფანტაზიით გაახალისონ “დაბურული” ხარი. ერთმანეთთან ბოლომდე მინდობილები, ისინი სიყვარულით ავსებენ ერთმანეთს.

ზოდიაქოს ეს ორი ნიშანი ერთმანეთს ინტიმურ საკითხებშიაც ისევე კარგად უგებს როგორც ცხოვრების ყველა სხვა ასპექტში, შესაბამისად, მათ საკმაოდ მდიდარი ინტიმური ცხოვრება აქვთ. თუმცა აქაც არის მნიშვნელოვანი საკითხები, რომელთა გათვალისწინების გარეშეც კუროსა და თევზის ურთიერთობა შეიძლება ძლიერ გაფუჭდეს. თევზები ძლიერ მგრძნობიარე ნიშნები არიან, რომელთაც ხშირად უბრალო სიტყვებიც კი ზედმეტად ახლოს მიაქვთ გულთან. ხარმა კი თევზებს შეიძლება რაიმე საწყენი უთხრას, ისე რომ, ვერც კი გააცნობიეროს ეს. მობოდიშებისთვის ზედმეტად ჯიუტი, კურო შეიძლება პირიქით უფრო გაცხარდეს, რაც სიტუაციას მცირედითაც კი არ შველის, ასე რომ გაითვალისწინეთ ეს.

მეორე საკითხია, თევზების უიმედო რომანტიკოსობა და კუროს პრაქტიკული რეალისტურობა. თევზები შეიძლება მოელოდნენ, გრძელ სასიყვარულო წერილებს, საკუტარი ხელით გაკეთებულ საჩუქრებს, ერთგულების ფიცს და მრავალ სხვას რასაც სასიყვარულო რომანებში წაიკითხავთ. თუმცა ისინი ამას კუროსგან ვერ მიიღებენ, მას არ უყვარს გრძნობების გამოვლინება და სიტყვების მაგივრად ცდილობს ქმედებებით გამოხატოს სიყვარული, მაგრამ ეს შეიძლება საკმარისი არ იყოს თევზებისთვის,  რაც საბოლოოდ პრობლემებამდე მიიყვანს წყვილს.

ამ ურთიერთობის წარმატებისთვის მნიშვნელოვანია ერთმანეთის სასიყვარულო ენის შესწავლა და მკაფიო კომუნიკაცია. თევზებმა ზუსტად უნდა უთხრან კუროს რას გრძნობენ, ხოლო კურო უნდა იყოს უფრო რბილი თევზების გრძნობების მიმართ და არ იყოს ასე უყურადღებო საკუთარი სიტყვების მიმართ. ამ შემთხვევაში თევზებსა და კუროს დიდი შანსი აქვთ ბედნიერი წყვილის რეპუტაციისთვის.