კურო - ტყუპი

მიუხედავად იმის, რომ კურო და ტყუპები მხოლოდ ერთი ზოდიაქოს ნიშნით არიან დაშორებულნი, არ შეიძლება ისინი უფრო განსხვავებულები იყვნენ.  კურო ზანტი და გაწონასწორებულია, ტყუპებმა კი არ იციან სად წაიღონ თავისი მოზღვავებული ენერგია. როდესაც კურო იღებს გადაწყვეტილებას, ის მას არავითარ შემთხვევაში აღარ შეცვლის და ბოლომდე მისი ერთგული დარჩება, ხოლო ტყუპებმა დღეში რამდენჯერმე შეიძლება გადაიფიქრონ და შემდეგ ისევ ახლიდან მიიღონ გადაწყვეტილება.

თუმცა ყველა მათი განსხვავებულობის მიუხედავად, ეს წყვილი, როგორც წესი, იზიდავს ერთმანეთს. ტყუპები დაინტერესებულები არიან კუროს წყნარი, მაგრამ ერთგული და მგრძნობიარე გუნებით. კუროს კი ტყუპების ბუნებრივი სიცოცხლის ხალისი იზიდავს. ტყუპებისთვის უცხო და საინტერესოა კუროს პირდაპირი და აზრიანი საუბრის მანერა, ხოლო კუროებს უყვართ ტყუპების ადაპტაციის უნარი.  ყველაზე კარგი კი ისაა, რომ ორივეს უყვარს სიცილი.

ამ წყვილის წარმატების ერთ-ერთი მიზეზი მდგომარეობს იმაში, რომ ისინი ერთმანეთის სუსტ მხარეებს ავსებენ. ისინი აბალანსირებენ ერთმანეთს და შეუძლიათ დაუმარცხებელი გუნდის ჩამოყალიბება.

ყველაფრისდა მიუხედავად ამ წყვილს მაინც მრავალი განსხვავება აქვს, რომელიც ინტიმურ ურთიერთობებშიც იჩენს თავს. ამის გარდა, ყველაზე დიდი პრობლემა ისაა, რომ კურო სტაბილურობას ყველაფერზე მაღლა აყენებს, მათ სურთ ლამაზი სახლი და ოჯახი, პარტნიორი რომელთან ერთადაც სიბერემდე იქნება. ამავდროულად ერთადერთი რასაც ტყუპებს სტაბილურად სურთ ეს ცვლილებებია, ისინი ვერ იქნებიან ბედნიერები ერთ ადგილას დიდხანს ყოფნის შემთხვევაში, მათ ეჯავრებათ რუტინა და ვერ იტანენ წყნარ, პროგნოზირებად ცხოვრებას.

მრავალ პრობლემასთან ერთად ამ წყვილის ურთიერთობა საბოლოოჯამში საკმაოდ რთულია, თუმცა არა შეუძლებელი, თუ ორივე ზოდიაქოს ნიშანი ისწავლის დათმობაზე წასვლას, ისწავლის ერთმანეთის მოსმენას და ზოგადად მომთმენი იქნება ერთმანეთის მიმართ.