კურო - ლომი

კუროც და ლომიც ზედმეტად ჯიუტები არიან, რათა რაიმე დაუთმონ ერთმანეთს. თუმცა, მეორეს მხრივ ეს წყვილი ერთად კარგად გამოიყურება: ელეგანტურები, ორივე უზარმაზარი ეგოთი, გარშემომყოფების ყურადღებას იპყრობენ. მათი ვნებიანი ინტიმური ურთიერთობებიც ხელს უწყობს კავშირის გამყარებაში, თუმცა ამ ბედნიერი წყვილის ურთიერთობა რადიკალურად შეიცვლება, როდესაც კურო ლომის საკრედიტო ბარათის ხარჯებს ნახავს.

ლომს, ისევე როგორც კუროს ძლიერი აურა აქვს და ორივეს, როგორც წესი, წარმატებული კარიერა აქვს, რის გამოც ისინი შეიძლება ნამდვილი მამოძრავებელი ძალები იყვნენ. მათ მუდამ კარგად აცვიათ, აქვთ ლამაზი სახლი, პაემნებზე მოდურ რესტორანებში დაიდან და ისვენებენ ძვირადღირებულ კურორტებზე. ორივე თანაბრად ერთგულია, ამიტომ ერთგულება ამ წყვილის შემთხვევაში პრობლემას არ წარმოადგენს, ამასთან ზოდიაქოს ორივე ნიშნისთვის ოჯახი მნიშვნელოვან როლს თამაშობს ცხოვრებაში, ამიტომ ისინი მუდამ ცდილობენ ძლიერი ოჯახის შექმნას, რომელთან ერთადაც გაატარებენ დროის უდიდეს ნაწილს.

ის რაც ამ წყვილს ჩვეულებრივი თავსებადობის დროს აკლია, ანაზღაურდება საძინებელში. თუმცა, მაინც ლომსა და კუროს აქვთ თავსებადობის გარკვეული პრობლემები, პირველ რიგში, მათ ორი განსხვავებული ხასიათი აქვთ. კურო ინტროვერტი, მომთმენი და გაწონასწორებულია, როდესაც ლომი ექსტრავერტია, მხიარული და ყოველთვის ცდილობს ყურადღების ცენტრში ყოფნას. ლომს კუროს წყნარი და დაგეგმილი ცხოვრება, შეიძლება მოსაწყენად მოეჩვენოს, რასაც პირდაპირაც ეტყვის. კურო ლომის დრამატიზისადმი მიდრეკილებებს გამაღიზიანებლად თვლის, ამიტომ ის ამას ვერ შეურიგდება. კურო ძლიერ დაკეტილია, ლომი კი პირიქით – გადაშლილი წიგნია. კუროს დაფასება სჭირდება, ხოლო ლომს თაყვანისცემა, მაგრამ ორივე ზედმეტად ჯიუტია პარტნიორის ეგოს დასაკმაყოფილებლად.

კიდევ ერთ პრობლემას წარმოადგენს ფული. ორივეს უყვარს კომფორტი და კარგად ცხოვრება, თუმცა, თუ კურო დაუღალავად იმუშავებს და დაზოგავს ფულს სასურველი ნივთების საყიდლად, ლომი ფულის მიღებისთანავე დახარჯავს მას, მას არ სმენია სიტყვა ბიუჯეტის შესახებ, რამაც დამზოგი კურო შეიძლება ჭკუიდან შეშალოს.

ზოდიაქოს ორივე ნიშანს ესაჭიროება თავის კონტროლი, რათა მეორე გააბედნიეროს. თუ ორივე შეძლებს სიჯიუტის დაძლევას, მათ შეიძლება ბედნიერი წყვილი შექმნან.