ტყუპი - თხის რქა

სასიყვარულო ურთიერთობები ტყუპებსა და თხის რქას შორის, რთულია, თუმცა არა შეუძლებელი. მთავარია მათ შეძლონ ამ ურთიერთობებზე „მუშაობა“.

თხის რქა მიწის სხვა ნიშნების მსგავსად პასუხისმგებლიანია, მათ დაზუსტებით იციან რისი კეთება სურთ და რომელი მიზნების მიღწევა სჭირდებათ მათთვის საოცნებო მაღალი სტატუსის მისაღწევად. ისინი ისწრაფვიან კომფორტისა და უსაფრთხოებისკენ, რომელიც ფულადი სიმდიდრის დაგროვების შედეგად მოდის.

რაც შეეხება ტყუპებს ისინი დღევანდელი დღით ცხოვრობენ და ცდილობენ თითოეული წუთით დატკბობას. მათ ესაჭიროებათ თავისუფლება, რათა ნებისმიერ დროს შეეძლოთ გადაიფიქრონ, თუნდაც სულ ცოტა ხნის წინ მიღებული გადაწყვეტილება. ტყუპები თვლიან, რომ ფული მნიშვნელოვანია, თუმცა მხოლოდ იმიტომ, რომ ის დაკავშირებულია მათი მოთხოვნილებების დაკმაყოფილებასთან. მუდმივად ცვალებადი ხასიათით მათ იციან, რომ ფული მოდის და მიდის, მაგრამ მოგონებები გართობის შესახებ და თავგადასავლები სამუდამოდ ჩვენთან რჩება.

კიდევ ერთი განმასხვავებელი ნიშანია თხის რქის მოთხოვნილება მუდამ ქონდეს პროგნოზირებადი განრიგი და მიზნები რომელსაც აუჩქარებლად მისდევენ. ტყუპების შემთხვევაში დაფასებულია მოძრაობა, მოძრაობა და კიდევ ერთხელ მოძრაობა, სპონტანურ თავგადასავლებთან ერთად, რომლის შედეგებზეც შემდგომში იფიქრებენ.

თხის რქასა და ტყუპებს რადიკალურად განსხვავებული ტემპერამენტი და ცხოვრებისეული ფასეულობები აქვთ. ორივე განსხვავებულად ფიქრობს და უყურებს ამ ცხოვრებას და შესაბამისად განსხვავებული გზებით მიდიან. თუმცა მრავალი სირთულის მიუხედავად, ამ ერთმანეთისაგან ძლიერ განსხვავებულმა წყვილმა შესაძლოა წარმატებული ურთიერთობები იქონიონ, თუ ისინი ერთმანეთის სხვაობებს მიუდგებიან, როგორც პირადი განვითარების შესაძლებლობას და ეცდებიან ისწავლონ რაც შეიძლება მეტი მათი პარტნიორისაგან.