კირჩხიბი - კურო

კუროსა და კირჩხიბის შეხვედრა ერთი შეხედვით სიყვარულია. ორივე შესანიშნავად ეწყობა ერთმანეთს, ვინაიდან ორივეს მსგავსი ენერგია, მიდრეკილებები და ცხოვრებისეული მისწრაფებები აქვთ.

კირჩხიბი ისევე, როგორც კურო ინტროვერტი, ერთგული და სენტიმენტალურია. ზოდიაქოს ორივე ნიშანი ისწრაფვის სტაბილური ცხოვრებისკენ. მათ სურთ ბედნიერი ოჯახი და ლამაზი სახლი, რომელშიაც ერთად გაატარებენ ცხოვრების დიდ ნაწილს და იქვე დაბერდებიან.

ეს წყვილი ასევე კარგად აბალანსებს ერთმანეთს. კირჩხიბი დროდადრო შეიძლება ცოტა უხასიეთო იყოს, თუმცა კუროს მხიარული ბუნება ყველაფერს გამოასწორებს. ეს ორი იმდენად კარგად უგებს ერთმანეთს, რომ შეიძლება ოჯახური ბედნიერების მაგალითადაც მივიჩნიოთ.

კიდევ ერთი რამ რაშიაც ეს წყვილი კარგად ეწყობა, ეს ინტიმური საკითხებია. კურო და კირჩხიბი საძინებელშიაც კარგად ერგებიან ერთმანეთს. ერთი პრობლემა, რომელსაც ეს წყვილი შეიძლება წააწყდეს, ეს არის კუროს პირდაპირობა და კირჩხიბის მგრძნობელობა. კირჩხიბი ძლიერ მგრძნობიარე და ემოციურია, თუ კურო რაიმე, თუნდაც მცირედ, შეუწარცხმყოფელს ეტყვის, კირჩხიბმა ეს შეიძლება ზედმეტად ახლოს მიიტანოს გულთან, რაც საბოლოოდ კომფლიქტურ სიტუაციას შექმნის.

კიდევ ერთი პრობლემა მდგომარეობს კუროს სიჯიუტეში. ეს ნიშანი იშვიათად თუ შეცვლის თავის გადაწყვეტილებას და გადაუხვევს გზიდან. ასე რომ, თუ კირჩხიბი უკმაყოფილოა ან რაიმე არ მოსწონს კუროს გადაწყვეტილებებიდან, კომფლიქტის ასარიდებლად სჯობს უბრალოდ არაფერი თქვას (კუროსთან კამათს ისევ კედელთან კამათი სჯობს), თუმცა წყენა მას მაინც დარჩება.

მიუხედავად იმის, რომ ამ წყვილის კავშირი ვარკსვლავების მიერაა ნაწინასწარმეტყველები, ჯანსაღი ურთიერთობების შესანარჩუნებლად მნიშვნელოვანია ერთმანეთთან აქტიური კომუნიკაცია. კურომ უნდა მოუსმინოს კირჩხიბს და გაითვალისწინოს მისი აზრი, ყოველთვის უნდა აკონტროლოს, თუ როგორ ესაუბრება მგრძნობიარე კირჩხიბს. კირჩხიბმა კი, თუ რაიმეთი განაწყენებულია, პირდაპირ უნდა უთხრას კუროს თავისი გრძნობების შესახებ, კურო გრძნეული არ არის და არ შეუძლია ფიქრების კითხვა. ამის გათვალისწინებით, მათ დიდი შანსი აქვთ იცხოვრონ დიდხანს და ბედნიერად.