კირჩხიბი - ქალწული

გულწრფელობა – მთავარი ფაქტორია კირჩხიბისა და ქალწულის ურთიერთობებში. კირჩხიბი და ქალწული მაქსიმალურად ერთგულები არიან ურთიერთობებში. ამ ურთიერთობებში ზოდიაქოს ორივე ნიშნის წარმომადგენელი ეცდება ასიამოვნოს თავის მეორე ნახევარს, თუნდაც რაიმე დავალებების შესრულებით ან სადილის მომზადებით, ეს ერთი შეხედვით მცირე დეტალები სინამდვილეში ძლიერ ამყარებს ამ წყვილის ურთიერთობებს.

ერთად მათ შეუძლიათ დატკბნენ ხელოვნებით, კულტურით, გემრიელი საჭმლით და ამ ცხოვრების სხვა სიამოვნებებითა და მშვენიერებებით. ამ ორს საკმაოდ ბევრი აქვთ საერთო, რის შედეგადაც მათ ერთმანეთთან ყოფნა სიამოვნებთ და ცდილობენ ყველაფრის ერთად კეთებას. თუმცა დროთა განმავლობაში ამ ურთიერთობებმა შეიძლება არა სასიყვარულო, არამედ მეგობრული ხასიათი მიიღოს ორ ადამიანს შორის, რომლებიც უბრალოდ კომფორტულად გრძნობენ თავს ერთმანეთთან.

გრძელვადიანი პერსპექტივებისთვის ამ წყვილმა უნდა მოახერხოს გარკვეული ცვლილებების შეტანა პირად ცხოვრებაში. კირჩხიბს მოუწევს ადაპტირება უფრო ვერბალურ და კომუნიკაბელურ საუბრის სტილთან, რაც კირჩხიბის განმარტოვების მოყვარულ ხასიათს არ შეესაბამება. თუნდაც სიმართლე მტკივნეული ან არასასიამოვნო იყოს, ქალწული ყოველთვის მზადაა გულწრფელი საუბრებისთვის, ამიტომ გულღია დიალოგი მნიშვნელოვანი იქნება ამ ორისთვის. ქალწულს მოუწევს პერფექციონიზმისა და არასასურველი კრიტიკისაგან თავის შეკავება, რათა ერთი შეხედვით მკაცრ, მაგრამ სინამდვილეში მგრძნობიარე კირჩხიბს არ აწყენინოს.

ზემოთ თქმულის გათვალისწინებით ქალწული და კირჩხიბი არაჩვეულებრივ წყვილს წარმოადგენენ, განსაკუთრებით, თუ გავითვალისწინებთ ფაქტს, რომ მათი ცხოვრებისეული მიზნები და ღირებულებები ემთხვევა ერთმანეთს. ორივე ცდილობს სერიოზული და სტაბილური ურთიერთობების აწყობას, რის შედეგადაც ისინი ცდილობენ დათმობაზე წასვლას, რაც ნებისმიერი ურთიერთობების წარმატების საწინდარია.