ქალწული - კურო

ერთი შეხედვით კურო და ქალწული, შეიძლება მოსაწყენ წყვილად მოგეჩვენოთ. ზოდიაქოს ამ ორი ნიშნის ურთიერთობა არ არის სასიყვარულო რომანებში აღწერილი ისტორიების მსგავსი. ზოდიაქოს ეს ორი მიწის ნიშანი, წყნარი და ემოციურად თავშეკავებულები არიან. გარეშე პირებს შეიძლება მოეჩვენოთ, რომ მათ არა სიყვარული, არამედ საქმიანი ურთიერთობები აკავშირებთ. თუმცა ამ უცნაურობის მიუხედავად, ორივე მომთმენი, სანდო და ღრმად ლოიალური ნიშანია, სხვა სიტყვებით, რომ ვთქვათ მათ თვისება აქვთ ჯანსაღი და მყარი ურთიერთობებისთვის.

ქალწულისა და კუროს ურთიერთობა თავიდანვე „ხნიერი დაქორწინებული წყვილის“ განწყობას ტოვებს. როგორც წესი, ისინი იმყოფებიან ერთ ტალღაზე ცხოვრებისეული საკითხების უმეტეს ნაწილში, ეს წყვილი ასევე იზიარებს მსგავს ღირებულებებს და შეუძლიათ კარგად შეეწყონ ერთმანეთს გუნდური მუშაობის დროს. კუროს შეუპოვრობით, ქალწულის გამჭრიახი გონებითა და სიმდიდრისადმი საერთო ლტოლვით მათ შეიძლება არა მარტო ბედნიერი ურთიერთობები, არამედ ბიზნეს იმპერიაც კი შექმნან.

ისევე როგორც, სხვა საკითხებში ზოდიაქოს ამ ორი ნიშნის წარმომადგენელი ინტიმურ საკითხებშიაც კომფორტულად გრძნობენ თავს ერთად. თუმცა, როგორც ყველა წყვილს აქაც შეიძლება იყოს გარკვეული პრობლემები. ყველაზე აქტუალურ პრობლემას კუროსა და ქალწულის ურთიერთობებში მათი სიჯიუტე წარმოადგენს, თუ მათ განსხვავებული რამ სურთ არც ერთი არ დაიხევს უკან თავისი აზრიდან და არც კი იფიქრებს კომპრომისზე. თუმცა ისევ და ისევ სიჯიუტის გამო, თუ ისინი დაქორწინებულები არიან ნაკლებსავარაუდოა, რომ ისინი დაშორდებიან, სიმარტოვეს კურო, ისევე როგორც ქალწული უბედურ ქორწინებაში დარჩენას ამჯობინებს.

მნიშვნელოვანია, რომ ამ წყვილმა ღიად ილაპარაკოს ერთმანეთში არსებული პრობლემების შესახებ და არ დაელოდო, რომ რომელიმე მოულოდნელად ტელეპატიურ შესაძლებლობებს შეიძენს. დაბოლოს, კურომ და ქალწულმა ყოველთვის გუნდურად უნდა იფიქროს, ვინაიდან სწორედ ამაში არიან ისინი ყველაზე წარმატებულნი. დანარჩენ საკითხებში კი იშვიათია ასეთი ბედნიერი წყვილის პოვნა.