მორიელი - ვერძი

როდესაც ფეთქებადი ვერძი ხვდება კომპლექსურ მორიელს, ეს ჰგავს ცეცხლის შეხვედრას ბენზინთან. თავდაპირველად, მარსის მიერ მართული ამ ორი ვნებიანი ნიშნის შეხვედრისას მიზიდულობა ძლიერია. თუმცა ისინი მალევე გააცნობიერებენ თავიანთ ტემპერამენტულ განსხვავებებს. ორივე ნიშნის წარმომადგენელს სურს ყველაფრის კონტროლი, მათ შორის თავისი პარტნიორისაც. ვერძი მებრძოლი და მოკამათეა, როდესაც მორიელი მზაკვრული და შურისმაძიებელია. მიუხედავად იმის, რომ ორივეს უყვარს კარგი კამათი, მათ შეიძლება ზედმეტად შორს შეტოპონ.

მიუხედავად გარკვეული განსხვავებებისა ეს წყვილი საძინებელში უჩვეულოდ კარგად, თითქმის იდეალურად ეთავსება ერთმანეთს. მორიელი საიდუმლოა, ხოლო ვერძს მისი ამოხსნა სურს.  თუმცა საძინებლის ფარგლებს გარეთ ეს წყვილი იშლება. ორივე ნიშანი მიდრეკილია ერთმანეთის კონტროლზე, ამიტომ ორივე, საკუთარი ხერხით, შეეცდება დომინირებას. ვერძი გამოიყენებს აგრესიას, ხოლო მორიელი პასიურ-აგრესიას. ვერძი თავისუფლების მოყვარული, გახსნილი და კომუნიკაბელურია, რაც პრობლემას წარმოადგენს მესაკუთრე და ეჭვიანი მორიელისთვის. მორიელი შეიძლება შეეცადოს უთვალთვალოს ვერძს მრავალ საქმეში, მხოლოდ იმისთვის, რომ დაინახოს, თუ რას საქმიანობს ვერძი, ხოლო ღია და იმპულსურ ვერძს აღიზიანებს ფარული და საიდუმლოებით მოცული მორიელის ასეთი ქცევები. საბოლოოდ მორიელის ეჭვიანობა ზედმეტად გამაღიზიანებელი გახდება ვერძისთვის, რაც ურთიერთობებს დასასრულამდე მიიყვანს.

ამ წყვილს წარმატებული ურთიერთობებისთვის ესაჭიროება სერიოზული მუშაობა კომუნიკაბელურ უნარებზე, ასევე აუცილებელია კომპრომისების გამონახვა ურთიერთობებში. მორიელმა უნდა უთხრას ვერძს, თუ რას განიცდის, იმის მაგივრად, რომ აიძულოს ის გამოიცნოს, მრავალ ემოციათაგან რომელს განიცდის ის დღეს. ვერძმა კი მორიელი უფრო მეტად უნდა დაარწმუნოს მის ერთგულებაში. თუ ისინი შეძლებენ ფეთქებადი ხასიათის კონტროლირებას, მაშინ შესაძლოა, რომ ვერძისა და მორიელის ურთიერთობა საკმაოდ საინტერესოც კი გახდეს.