მორიელი - კურო

კუროსა და მორიელის შემთხვევაში გამოთქმა „საწინააღმდეგოები იზიდავენ“ სრული სიმართლეა. ეს ორი ერთმანეთის საპირისპირო ზოდიაქოს ექვსი ნიშნით დაშორებული არიან, თუმცა სინამდვილეში, მათ მრავალი რამ აქვთ საერთო. ორივე მგრძნობიარე ინტროვერტია, რომლებიც დიდად აფასებენ პირად სივრცეს.  ბევრმა მათმა მეგობარმა ან ახლობელმა შეიძლება წლების განმავლობაში ვერც კი გაიგონ მათი ურთიერთობების შესახებ. მათ უყვართ ფარულად მაგრამ ძლიერ.

კუროსა და მორიელს მრავალი საერთო აქვს. ორივე მიზანმიმართული და ამბიციურია, გარეთ გასვლას ორივეს სახლში დარჩენა ურჩევნია. მათი სახლი წმინდა ადგილია, გარე სამყაროსაგან დაშორებული, ერთ-ერთი ადგილი, თუ ერთადერთი არა, სადაც ისინი ბოლომდე ნამდვილები არიან. მიზანმიმართული მორიელი ხანდახან ზარმაცი კუროსთვის მოტივაციის წყაროა. რაც შეეხება ფინანსებს, ორივემ იცის თუ როგორ მოექცეს ფულს. ასე რომ, ამასთან დაკავშირებით მათ პრობლემები ნამდვილად არ შეექმნებათ.

მათი მრავალი საერთო თვისება საძინებელშიაც ვლინდება, სექსუალური მიზიდულობა ამ ორს შორის ყოველგვარ საზღვრებს სცდება. თუმცა ამ ორსაც შეიძლება მიეცეს კამათის საბაბი, რაც საბოლოოდ ცუდ შედეგს იღებს, ვინაიდან ორივე ზოდიაქოს ნიშანი იმდენად ჯიუტია, რომ უთანხმოების შემთხვევაში არც ერთი არ წავა დათმობაზე და უფრო მეტიც, კურო შეეცდება მორიელის კონტროლირებას და პირიქით. ორივე შურისმაძიებელი ნიშანია, ასე რომ, თუ ისინი დაადანაშაულებენ პარტნიორს, მაშინ აუცილებლად ეცდებიან სამაგიეროს გადახდას.

ბედის ირონიით – იმის მიუხედავად, რომ ორივე ასეთი ეჭვიანია, ეჭვიანობა მაინც განიხილება, როგორც პრობლემა. თითოეული მათგანი ცდილობს გამოიჭიროს ერთმანეთი ტყუილში. გამორიცხული არ არის ტელეფონის ჩხრეკა, არანორმალური ბრალდებები და შესაძლოა კერძო დეტექტივის დაქირავებაც კი. კურო შეიძლება უბრალოდ წავიდეს, თუ ურთიერთობა ზედემტად დრამატულ ხასიათს მიიღებს.

ამ წყვილს ძალიან ძლიერი კავშირი აქვთ. თუმცა მნიშვნელოვანია ნდობა, ვინაიდან ორივეს უნდა სჯეროდეს, რომ მის მეორე ნახევარს უყვარს იგი და არ სურს დაშორება. დაბოლოს რაც შეეხება კომპრომისებს ეს ზოდიაქოს ყველა ნიშნის და ზოგადად ყველა წარმატებული ურთიერთობის საწინდარია.