ჩემი სიყვარულის ისტორია.

მოგესალმებით. მე ნინია ვარ, 23 წლის, თბილისიდან. მაღალი, გამხდარი, წაბლისფერთმიანი და მწვანეთვალება გოგო. პირველ რიგში, მინდა აღვნიშნო, რომ ბევრი ბიჭი გიჟდება ჩემზე, ბევრი თაყვანისმცემელი მყავს, მაგრამ მე სერიოზულად არავინ მიმიღია. შეყვარებულიც კი არ მყოლია. არა იმიტომ, რომ თავს ვაფასებ ჩემი სილამაზის გამო, არამედ იმიტომ, რომ უბრალოდ არ შემხვედრია ნამდვილი მამაკაცი. ამ ისტორიის აქ დაწერა კი იმიტომ გადავწყვიტე, რომ წავიკითხე რამდენიმე ისტორია — სულ ყველა სექსისა და სიამოვნების შემცველი იყო. სწორედ ამიტომ გადავწყვიტე, დამეწერა ნამდვილი სიყვარულის ისტორია, რომელმაც შეიძლება აგატიროთ კიდეც. მოკლედ, ერთ მშვენიერ დღეს მეგობრებმა გადავწყვიტეთ თბილისის ერთ-ერთ ლაუნჯში წასვლა. მართლაც, საღამოს შევიკრიბეთ და წავედით. კარგად ვერთობოდით, ვცეკვავდით, კარაოკე ვიმღერეთ — მოკლედ, კარგი დრო ვატარეთ. ცოტა ხნის შემდეგ მიმტანმა მოგვიტანა კონიაკი და ხილის ასორტი. როცა ვიკითხეთ, ვისგან იყო, აღმოჩნდა, რომ ჩემი დაქალის კლასელისგან. თურმე ის იმ ბარში მღეროდა, და ჩემმა დაქალმა ვერც კი იცნო. ცოტა ხანში ჩემი დაქალის კლასელი — საკმაოდ სიმპათიური და მოწესრიგებული გიორგი — შემოგვიერთდა. გავიგეთ, რომ ეს ბარი მისი იყო და ყოველ საღამოს თვითონ მღეროდა, მუსიკალურ შოუებსაც აწყობდა. პროფესიით მსახიობი აღმოჩნდა. კარგად გაგვართო და გვამხიარულა. როცა ჩემი დაქალი და გიორგი ლაპარაკობდნენ, გიორგი სულ მე მიყურებდა. მეც თვალს არ ვაშორებდი — რაღაცნაირად ინტერესი გამოიწვია ამ ბიჭმა ჩემში. შემდეგ უფრო ახლოს გავიცანი, გამომელაპარაკა, და კიდევ უფრო მომინდა მასთან დახლოება. იმ საღამოს მთელი სუფრა გიორგიმ გადაგვიხადა. სახლში რომ მივედი, გამოვიცვალე და დავწექი. ფეისბუქზე შესულს გიორგის მეგობრობის მოთხოვნა მომივიდა. სიმართლე გითხრათ, გამიხარდა და პატარა ბავშვივით ველოდებოდი, როდის მომწერდა. მისი ფოტოები ვნახე, ამასობაში ძილმა მომერია და დავიძინე. რომ გავიღვიძე, მისი შეტყობინება დამხვდა: „როგორ გამოიძინე?“ გამეღიმა და მივწერე, რომ კარგად-მეთქი. ასე გაგრძელდა მიწერა-მოწერა. რამდენიმე დღიანი მიწერა-მოწერის შემდეგ შევხვდით კიდეც. პატარა, ლამაზ კაფეში ვიჯექით, ყავას ვსვავდით და ვლაპარაკობდით. ასე გაგრძელდა დაახლოებით ორი თვე: ხან კონცერტებზე დავდიოდით, ხან კაფეში ვისხედით, ხან კინოში, ხანაც მის ბარში. შემდეგ მითხრა, რომ ვუყვარდი — ეს ყველაფერი ძალიან ლამაზ და რომანტიკულ გარემოში მითხრა. მეც ვუთხარი, რომ მიყვარდა, და ვაჩუქეთ ერთმანეთს პირველი კოცნა. მართლა ძალიან შემიყვარდა. ისე შემიყვარდა, რომ მის დანახვაზე გული მიჩქარდებოდა. შეყვარებულობის პერიოდი განსაკუთრებული იყო. მიძღვნიდა სიმღერებს, მიწერდა ლექსებს, მიწყობდა სიურპრიზებს — მის ფანტაზიებს საზღვარი არ ჰქონდა. როცა სპექტაკლისთვის ემზადებოდა და რუსთაველის თეატრის სცენაზე მთავარ როლში ვნახე, ერთ-ერთი ვიყავი, ვინც მთელი გულითა და სულით გულშემატკივრობდა, რომ სპექტაკლი წარმატებით დასრულებულიყო. სპექტაკლის ბოლოს, როცა ფეხზე მდგარი დარბაზი დავინახე — ტაშით, შეძახილებით, ყვავილებითა და „ბრავოს“ ძახილით — ამეტირა. სიხარულით მეცხრე ცაზე ვიყავი. ასე, ბედნიერად, მხიარულად და უდიდესი სიყვარულით ვიყავით ზუსტად ორი წელი. ორი წლის შემდეგ გიორგიმ ხელი მთხოვა, და რა თქმა უნდა, დავთანხმდი. გვქონდა დიდი ქორწილი — ძალიან ლამაზი და კარგად გაფორმებული. დავდგით, როგორც ყველა ტრადიციულ ქორწილში, ქართული ცეკვა. შემდეგ ტანგოც ვიცეკვეთ. ასე, ლამაზად და ბედნიერად ჩავატარეთ ეს დღეც. მოგვიანებით დავორსულდი და ორი ტყუპი გოგოს დედა გავხდი. ანასტასია და ტასო ულამაზესი ბავშვები არიან — ქერები, მწვანე თვალებით, დედის მსგავსი სიხარულები. მე, გიორგი, ანასტასია და ტასო ვცხოვრობდით თბილისთან ახლოს, კერძო სახლში, რომელიც მდიდრულად გამოიყურებოდა. სახლი პირადად მე შევქმენი — თითოეული დიზაინი და გაფორმება ჩემი ნახელავია. დღეს უბედნიერესი დედა და მეუღლე ვარ. ყველას და ყველაფერს ჩემი ოჯახი, ჩემი ქმარი და შვილები მირჩევნია. ჩვენს ოჯახზე ხალხი ამბობდა: „რა თბილი ოჯახია!“ ბევრს გამოუშვერია თითი და უთქვამს: „ნახე, გიოს რა მაგარი ცოლი ჰყავს!“ მე კი, როცა ეს გამიგია, ჩემთვის მითქვამს: „დიახ, მე ვარ ყველაზე ძლიერი დედა და მეუღლე, და ჩემი ოჯახისთვის თავს გავწირავ.“ ყოველ დღე ახალ რაღაცეებზე ვფიქრობთ, ყოველდღიურად ვავითარებთ ჩვენს ცხოვრებას, და ეს მაბედნიერებს. აი, ასეთია სიყვარული — გადაგიყვანს ჭკუიდან, გაგაკეთებინებს უამრავ სიგიჟეს. ესაა ნამდვილი სიყვარული.

კომენტარები არ არის