davit1121

გამარჯობა, წელს უკვე 30 წლის გავხდები და ამდენჯერ სექსი ჯამურად 10-ჯერ არ მექნება. მიუხედავად იმისა, რომ საკმაოდ განათლებული ვარ და სამსახურშიც დაფასებული, არ ვიცი, რისი ბრალია, რომ სქესობრივი კავშირი ფაქტობრივად არ მაქვს. ჩემი გარეგნობა საკმაოდ მაკომპლექსებს და არ ვიცი რა ვქნა. ფულის გადახდა არ მინდა, ეს ჩემთვის ცოტა არ იყოს მიუღებელია. ალბათ არ შევხვედრივარ ისეთ ვინმეს, ვინც გამიგებდა. რეგიონიდან ვარ და საკმაოდ ჩაკეტილი. გულწრფელად რომ ვთქვა, ფანტაზია ან რაღაც არ მყოფნის ადამიანებთან ამ მიზნით კომუნიკაციისათვის. ჩემთვის სექსის თემა ყოველთვის ტაბუირებული იყო. ჩემს თავს რომ ვაკვირდები, მხოლოდ გოგოები არ მიზიდავს სექსუალურად და ხშირად მეტროთი მგზავრობისას ბიჭების შარვლის უბეზე მიშტერდება ხოლმე თვალი. როცა ამაში საკუთარ თავს ვიჭერ, ძალიან მრცხვენია და ვცდილობ, რაიმე სხვაზე ვკონცენტრირდე. ძალიან დიდი გაურკვევლობაა სექსუალური თვალსაზრისით ჩემი ცხოვრება, არ ვიცი რა გავაკეთო და რითი გავაუმჯობესო. ყველას თავს ვაჩვენებ, რომ ძალიან ბედნიერი ვარ და ერთგვარ ნიღაბს ვატარებ. სინამდვილეში კი ეს ასე სულაც არაა. ასე მგონია, ჩემ ირგვლივ ჩემნაირები საკმაოდ მრავლად არიან და გამიგებენ. მაგრამ ვის უნდა გავუმხილო სიმართლე ვერ ვხვდები. ცხოვრებაში ხშირად ვინც მეგობარი გგონია, მტრად მოგეკიდება ხოლმე. ადამიანის ჭეშმარიტი სახის დანახვა ძალიან ძნელია, თითქმის შეუძლებელიც კი. გთხოვთ მირჩიეთ, როგორც გახდეს ჩემი სექსუალური ცხოვრება გაცილებით უკეთესი, როგორ დავხვეწო. არ მინდა მხოლოდ და მხოლოდ მასტურბაციით ვიყო დაკავებული. მინდა, რაიმე სახის გამოცდილება, წესიერ, კულტურულ ადამიანთან. ერთხელ ვცხოვრობთ და მინდა, ამ მიმართულებით ჩემი ცხოვრებისეული გამოცდილება გავაუმჯობესო.